Monday, 23 April 2012

தொழில்திறன் குறித்த பாடத்திட்டங்கள் பள்ளி, கல்லூரிகளில் இடம் பெறும்.

பள்ளி, கல்லூரி மாணவர்களை தொழிற்திறன் மிக்கவர்களாக மாற்றும் வகையில், அதுகுறித்த பாடங்கள் அமைக்கப்படும்'' என, மாநில திட்ட கமிஷன் உறுப்பினர் பாலகுருசாமி தெரிவித்தார்.
அவர் கூறியதாவது: தொழிற்கல்வி படித்தாலும், அறிவியல், கலைப்படிப்புகள் படித்தாலும், மாணவர்கள் அதில் நிபுணத்துவம் பெறுவது குறைவு. வெறும் படிப்பால், மதிப்பெண்ணால் பயனில்லை. இந்தியாவில் திறமை வாய்ந்த தொழிலாளர்கள் கிடைப்பது கடினம். வரும் கல்வியாண்டிலிருந்து பள்ளி, கல்லூரி, பாலிடெக்னிக், ஐ.டி.ஐ., பாடத்திட்டங்களில், தொழிற்திறனுக்கு முக்கியத்துவம் தரப்படும்.

திறன் மேம்பாட்டு திட்டம் மூலம் இது செயல்படுத்தப்படும். 12வது ஐந்தாண்டு திட்டத்தில், தமிழகத்தில் கல்விக்கென 40 ஆயிரம் கோடி ரூபாய் ஒதுக்கப்பட்டது. தமிழகத்தில் அனைத்து கல்வி நிலையங்களிலும் தொழிற்திறன் படிப்புகள் துவக்கப்படும். வெறும் படிப்பாக மட்டுமின்றி, திறமைகளை வளர்த்துக் கொள்ளவும், இப்படிப்பு உதவும். முதற்கட்டமாக 132 தொழில்களுக்கான திறன்கள் கண்டறியப்பட்டுள்ளன.
தொழிலதிபர்கள், கல்வியாளர்கள், ஆய்வாளர்களைக் கொண்டு, இதற்கான பாடத்திட்டங்கள் வடிவமைக்கப்படுகின்றன. 10வது முடித்து, மேற்படிப்பு தொடர முடியாத மாணவர்களுக்கு கூட, தொழிற்திறன் பாடம் மூலம் வேலைவாய்ப்புக்கு உத்தரவாதம் தரப்படுகிறது. இவ்வாறு பாலகுருசாமி கூறினார்.

பல்கலைக்கழகங்களில்(தொலைத்தூரக்கல்வி) வாயிலாக பயிலும் இரட்டைப் பட்டங்கள் குறித்து தகவல் அறியும் உரிமைச் சட்டத்தின் கீழ் ஆசிரியர் தேர்வு வாரியம் அளித்துள்ள விளக்கம்.

ஆசிரியர் தேர்வு வாரிய பொது தகவல் அளிக்கும் அலுவலர் அவர்களின் செயல்முறைகள் ஓ.மு.எண்.1464 /ஆ4 / 2011, நாள். 14.02.2012.

ஆசிரியர் தேர்வு வாரியத்தின் பொது தகவல் அளிக்கும் அலுவலரால் அளிக்கப்பட்டுள்ள 14.02.2012 அன்றைய நாளிட்ட பதிலில் "தற்போதுள்ள நடைமுறைப்படி ஆங்கிலம், தமிழ் மற்றும் வரலாறு ஆகிய இரட்டைப்பட்டங்கள் பரிசீலிக்கப்படுகிறது". என குறுப்பிடப்பட்டுள்ளது.  
ஆசிரியர் தேர்வு வாரியத்தின் தகவல் அறியும் உரிமைச் சட்டத்தின் கீழ் பெறப்பட்ட கடிதத்தை பதிவிறக்கம் செய்ய...

பள்ளி மாணவர்களுக்கு சி புரோகிராம் பயிற்சி.

பள்ளியில் பிளஸ் 1 மற்றும் பிளஸ் 2 பயிலும் மாணவர்கள், தங்களது கோடை விடுமுறையைப் பயனுள்ளதாக மாற்றிக் கொள்ளும் வகையில் சி புரோகிராம் பயிற்சியை அண்ணா பல்கலைக்கழகம் அளிக்கிறது.
ஒரு வார கால இந்த பயிற்சியில் சி புரோகிராமின் அடிப்படை உள்ளிட்ட முக்கிய விவரங்கள் கற்றுக் கொடுக்கப்படும்.
மே மாதம் 15ம் தேதியில் இருந்து ஒவ்வொரு வாரமும் ஒவ்வொரு பிரிவாக மாணவர்களுக்கு பயிற்சி அளிக்கப்படும்.
இதற்குக் கட்டணமாக ரூ.500  அண்ணா பல்கலைக்கழகத்தின் பெயருக்கு டிடியாக எடுக்க வேண்டும். காலை 9 மணி முதல் 5 மணி வரை அண்ணா பல்கலையில் உள்ள ராமானுஜன் கணினி மையத்தில் பயிற்சி அளிக்கப்படும்.

Thursday, 19 April 2012

தமிழகத்தில் தொடக்க பள்ளி, இடைநிலை மற்றும் மேல்நிலை பள்ளிகளில் 14 ஆயிரத்து 349 பணியிடங்கள் நிரப்பப்படும் என்று பள்ளி கல்வித்துறை அமைச்சர் சிவபதி கூறியுள்ளார்.


தமிழக சட்டப்பேரவையில் இன்று நடந்த பள்ளி கல்வி துறை மானிய கோரிக்கை மீதான விவாதத்தின் போது அவர் இதனை தெரிவித்தார். 100 மாநகராட்சி மற்றும் நகராட்சி பள்ளிகள் தரம் உயர்த்தப்பட்டு, 900 முதுகலை ஆசிரியர்கள் நியமிக்கப்படுவார்கள் என்றும் சிவபதி தெரிவித்தார்.

கல்விக்கென்றே புதிய சேனல்: அமைச்சர்.

கல்விக்கென்றே ஒரு புதிய தொலைக்காட்சி சேனலை தமிழக அரசு துவக்கவுள்ளது.
இத்தகவலை, பள்ளிக்கல்வி அமைச்சர் சிவபதி சட்டசபையில் தெரிவித்தார்.

iQOO Neo 7: An Affordable High-Performance Smartphone

  iQOO is a brand that has quickly gained popularity in the smartphone market for its affordable high-performance devices. The iQOO Neo 7 is...