டெல்லி: மத்திய அரசின் அறிவியல் மற்றும் தொழில்நுட்பத்துறை, INSPIRE (Innovation in Science Pursuit for Inspired Research) உதவித்தொகையைப் பெறுவதற்கான விண்ணப்பங்களை வரவேற்கிறது. ஆண்டுதோறும் 10 ஆயிரம் INSPIRE உதவித்தொகைகள் வழங்கப்படுகின்றன. இதன்படி, தேர்வு செய்யப்படும் நபருக்கு ரூ.80,000 வழங்கப்படுகிறது.
இந்தத் தொகையில், ரூ.20,000, கோடைகால ஆராய்ச்சி ப்ராஜெக்டை மேற்கொள்ள வழங்கப்படுகிறது. அதிகபட்சம் 5 ஆண்டுகள் வரை இந்த உதவித்தொகை வழங்கப்படுகிறது.
இந்த உதவித்தொகை திட்டத்திற்கு விண்ணப்பிப்பவர்கள், ஏதேனும் ஒரு அங்கீகரிக்கப்பட்ட கல்வி வாரியத்தில் 12ம் வகுப்பு முடித்து, இந்தியாவில், இயற்கை அல்லது அடிப்படை அறிவியல் துறைகளில், B.Sc., B.Sc., (Honours), Four year BS and five year integrated M.Sc., or BS - MS ஆகிய படிப்புகளில் ஏதேனுமொன்றை படித்துக்கொண்டிருக்க வேண்டும்.